Болалар бўлими

Бўлим ишини ташкил этишда асосий вазифаси - бириктирилган 0-18 ёшли болалар контингентига юқори малакали тиббий ёрдам кўрсатишни тўлиқ ҳажмда амалга оширишдан келиб чиқиб ташкил этилади. Бизда беморларни комплекс ташхислаш, самарали даволаш ва реабилитация қилиш имконини берувчи энг илғор технологиялар ва замонавий ускуналар қўлланилади.

Қабул 16 та мутахассислик бўйича олиб борилади: педиатрия, кардиоревматология, неврология, отоларингология, офтальмология, жарроҳлик, аллергология, иммунология, гастроэнтерология, физиотерапия, юқумли касалликлар, логопедия, эндокринология, ортопедия-травматология, стоматология, дерматология.

Бизнинг муассасамизда бола ҳаётининг биринчи кунлариданоқ педиатрнинг меҳрибон қўлига тушади, у боланинг тўғри ўсиши ва ривожланишини ҳушёрлик билан кузатиб боради. Педиатр томонидан доимий кузатув унга куннинг индивидуал режимини тўғри белгилаш, эмлашлар жадвалини тузиш, овқатланиш, нагрузкаларни мослаштириш ва у ёки бу спорт машғулотлари ва физиотерапевтик муолажаларни тавсия қилиш имконини беради.

Мутахассиснинг кузатуви бола учун максимал даражада қулай бўлишига ҳаракат қиламиз. Болалар билан умумий тил топа билиш, ўйин шаклида мулоқот қилиш шифокорга ташрифни ёқимли ва қизиқарли қилади.

Бўлим 1-сонли МКДП ҳудудида жойлашган бўлиб, 3 қаватли замонавий бинони эгаллайди, унда кичкинтойларнинг поликлиникада бўлиши учун ноёб шароитлар яратилган:

- болалар ўйин бурчаклари, махсус жиҳозланган санитар хоналар, болалар овқатини иситиш ва боланинг овқатланиш жадвалини бузмасдан овқатлантириш имконияти мавжуд.

- соғлом болаларни текшириш ва эмлаш учун алоҳида профилактик блок кўзда тутилган бўлиб, бу беморлар билан алоқани истисно қилиш имконини беради, шунингдек, юқумли касалликлар учун алохида блок бўлиб, у соғлом болалар билан алоқани истисно қилади.

Хизматлар спектри

Тез тиббий ёрдам бўлими педиатрлари билан биргаликда туғилганидан 18 ёшгача бўлган болаларни кеча-кундуз кузатиб бориш
Туғруқхонадан чиққандан сўнг чақалоқларни ҳар 10 кунда 42 кунлик бўлгунга қадар уйда патронаж қилиш.
Чақалоқнинг бош мия, чаноқ-сон бўғимлари, буйраклар ва айрисимон безнинг УТТ текширувини ўз ичига олган скрининг, бунда болалар неврологи, эндокринологи, ортопеди томонидан кўрикдан ўтказилади.
Режали эмлаш. Бизнинг педиатрларимиз ва тор мутахассислар эмлашлар максимал даражада хавфсиз ва самарали бўлиши учун болангизнинг барча индивидуал хусусиятларини ҳисобга олишади. Улар сизга вакцинани танлашга, зарурат туғилганда эмлашнинг индивидуал жадвалини тузишга ёрдам беради, юзага келиши мумкин бўлган реакциялар ва уларнинг олдини олиш ҳақида гапириб беради.
Ҳар йилги барча тор мутахассислар иштирокида чуқурлаштирилган профилактик кўрикларни ва лаборатория таҳлилларини ўтказиш, шу жумладан, умумклиник ва биокимёвий (кўрсатмалар бўйича) текширувлардан ташқари, болалар боғчаларида педиатр ва тор ихтисослик шифокорлари иштирокида чуқурлаштирилган профилактик кўрикларни ўтказиш бўйича катта тажриба мавжуд.
Сурункали патологияси бўлган болаларни фаол диспансер кузатуви ва ўз вақтида рецидивга қарши терапияни ўтказиш.
Ҳудуд педиатри томонидан уй шароитида даволанишга муҳтож бўлган бемор болаларнинг уйига фаол ташриф буюриш ва улар тўлиқ соғайиб кетгунга қадар кузатиб бориш.
Болалар боғчасига, ўрта ва олий ўқув юртларига ўқишга кириш, спорт секцияларига бориш учун маълумотномаларни расмийлаштириш.
Поликлиникада участка ҳамшираси ёки муолажа ҳамшираси ва уйда ТТЁ ҳамшираси томонидан шифокор тайинлаган зарур тиббий муолажаларни амалга ошириш.
Бактериологик тадқиқотлар ва нажасни ичак паразитлари бор-йўқлигига текшириш энг янги ускуналар билан жиҳозланган 1-сонли МКДП бак.лабораториясида ўтказилади.
ЭКГ, КИГ, ЭЭГ, УТТ, рентгенодиагностика, қомат ва оёқ панжаси патологиясини ташхислашнинг инструментал текширув усуллари ўтказилади.
Даволаш, профилактика ва реабилитация тадбирларини ўтказиш учун мўлжалланган замонавий реабилитация физиотерапия бўлими фаолият кўрсатмоқда. Ёруғлик ва электр билан даволаш, иссиқлик билан даволаш, аэрозоль терапия, парафин ва массажнинг ҳар хил турлари мавжуд.
Даволовчи жисмоний тарбия (ЛФК) зали фаолият кўрсатмоқда
Биз республиканинг барча болалар марказлари билан алоқада бўлиб, ҳар доим етакчи илмий муассасалар экспертларининг маслаҳатларини ташкил этиш имкониятига эгамиз.

Бўлим мутахассислари болалар билан ишлаш бўйича катта тажрибага ва кўп йиллик тажрибага эга бўлиб, мунтазам равишда малака ошириб келмоқда.

Каюмова Ҳамида Талатбековна
Бўлим мудири

1961 йилда туғилган, тиббиёт фанлари номзоди,
2001 йилдан олий тоифали педиатр, ЎзР соғлиқни сақлаш аълочиси.
1984 йилда Тошкент педиатрия институти (САМПИ) ни тамомлаган. Институтни тамомлагандан сўнг Тошкент шаҳар Собир Раҳимов тумани болалар поликлиникасида ҳудуд педиатри,
1990 йилдан 1994 йилгача ушбу поликлиниканинг 1-филиали бош шифокори ўринбосари лавозимида ишлаган.
Бош тиббиёт бошқармаси тизимида 1994 йилдан буён (30 йил давомида) фаолият юритиб келмоқда.

Умарова Лаъли Зайнутдиновна

1986 йилдан олий тоифали педиатр-шифокор.
1978 йилда Тошкент педиатрия институти (САМПИ) ни тамомлаган.
1979 йилда педиатрия мутахассислиги бўйича интернатурани тугатгандан сўнг, 17 йил давомида (1996 йилгача) аввал 1-сон Шаҳар болалар шифохонаси поликлиника бўлимида ҳудуд педиатр шифокори, кейин 1-сон Шаҳар болалар шифохонаси шифокор-педиатр, ва шифохона мудири лавозимларида ишлаган

Шарипова Маҳбуба Турғуновна

2002 йилдан олий тоифали педиатр,
1986 йилда Тошкент педиатрия институти (САМПИ) ни тамомлаган. 1987 йилда "педиатрия иши" мутахассислиги бўйича интернатурани тугатгандан сўнг,
2012 йилгача Зангиота тумани Марказий тиббий ёрдам маркази болалар поликлиникасида ҳудуд педиатр шифокори сўнг турли раҳбарлик лавозимларида ишлаган

Абдуразакова Умида Ибрагимовна

2010 йилдан олий тоифали педиатр-шифокор,
1995 йилда Тошкент педиатрия тиббиёт институтини тамомлаган.
1996 йилда Қибрай тумани болалар поликлиникасида ҳудуд педиатри, кейин ТошПТИ клиникасининг болалар бўлимида педиатр,
2004 йилдан 2015 йилгача Қибрай тумани болалар поликлиникасида ҳудуд педиатри бўлиб ишлаган.

Буяновская Елена Петровна

2024 йилдан олий малакали педиатр-шифокор. 2004 йилда Боровский номидаги тиббиёт колледжини тугатгандан сўнг, у ТошПТИга ўқишга кирди ва 2011 йилда имтиёзли диплом билан ўқишни тамомлади,ўз меҳнат фаолиятини 2004 йилдан бошлаб институтда таҳсил олиш билан бир қаторда Оҳангарон тумани Марказий банк тиббиёт ҳамшираси, сўнгра Республика шошилинч тиббий ёрдам маркази болалар операция блоки тиббиёт ҳамшираси сифатида бошлади. Университетни тугатгандан сўнг, тақсимлаш бўйича Оҳангарон тумани марказий кўп тармоқли поликлиникасида участка педиатр шифокори бўлиб ишлаган.

Пўлатова Ирода Абдуғафуровна

1980 йилда туғилган, 2022 йилдан олий тоифали педиатр-шифокор, магистр. ТошПТИни 2006 йилда, магистратурани 2010 йилда юқумли касалликлар йўналиши бўйича тамомлаган. Меҳнат фаолиятини 1997 йилдан бошлаб турли тиббиёт муассасаларида аввал кичик тиббиёт ходими, сўнгра Тиббиёт-санитария бирлашмаси (ҳозирги Ўзбекистон Республикаси Президенти ҳузуридаги Тиббиёт бош бошқармаси) Тез тиббий ёрдам бўлимининг сайёр ҳамшираси, оилавий поликлиниканинг ҳудуд шифокори, ТошПТИ юқумли касалликлар кафедрасида инфекционист бўлиб ишлаган

Саматова Дилноза Миракбаровна

1991 йилда туғилган, 1-тоифали педиатр-шифокор. 2014 йилда ТошПТИни педиатрия факультетини ва 2016 йилда ТТА клиник ординатурасини педиатрия мутахассислиги бўйича тамомлаган. Меҳнат фаолиятини 2016 йилдан МСОнинг 1-сонли Марказий поликлиникаси (Ўзбекистон Республикаси Президенти ҳузуридаги Тиббиёт бош бошқармаси ҳузуридаги 1-сонли МКДП) ҳудуд шифокори-педиатр сифатида бошлаган. Ҳозирги кунда (8 йил) 1-сонли МКДП болалар бўлимида ҳудуд педиатри бўлиб ишлашни давом эттирмоқда.

Нормуродов Алишер Хусанович

1994 йилда туғилган, педиатр-шифокор. 2019 йилда Санкт-Петербург давлат педиатрия университетини, 2021 йилда эндокринология мутахассислиги бўйича клиник ординатурани тамомлаган. Ординатура даврида Россия Федерациясининг Токсов туманлараро касалхонасида педиатр шифокор бўлиб ишлаган. 2021-2024 йиллардан - Ленинград вилояти ЮЗ Медиа марказида. У 2024 йил май ойидан бошлаб Тиббиёт бош бошқармасининг 1- сонли МКДП болалар бўлимида педиатр шифокори ва терапевтик бўлимда эндокринолог шунингдек, ЭБМ хусусий клиникасида педиатр сифатида бўлиб ишлаб келмоқда.

Бердиева Ҳилолахон Умаржановна

1989 йилда туғилган, невролог-шифокор, 2021 йилдан биринчи малака тоифаси, тиббиёт фанлари номзоди. 2013 йилда ТошПТИни, 2016 йилда болалар неврологияси мутахассислиги бўйича магистратурани тамомлаган. Магистратурада ўқишни ТошПТИ болалар неврологияси кафедрасида ишлаш билан бирга олиб борган. Магистратурани тамомлагандан сўнг тиббиёт коллежида катта ўқитувчи, сўнгра "Ўзбекистон темир йўллари" АЖ тасарруфидаги болалар шифохонасида болалар неврологи ва нейрофизиологи бўлиб ишлади. 2021 йилда таянч докторантурага ўқишга кириб, Тошкент педиатрия тиббиёт институти болалар неврологияси кафедраси, тиббий генетика кафедраси ва Тошкент шаҳридаги 2-сонли юқумли касалликлар шифохонасида ишлаган ва "Болаларда энцефалит клиникаси ва параклиник хусусиятлари" мавзусида номзодлик диссертациясини ҳимоя қилган. У 2023 йил сентябрь ойидан буён Тиббиёт бош бошқармаси тизимида фаолият юритиб, ҳозиргача 1-сонли МКДП болалар бўлимида невролог-шифокор бўлиб ишлаб келмоқда.

Бабаханова Сабаҳат Шахабидиновна

1955 йилда туғилган, 2004 йилдан олий тоифали юқумли касалликлар шифокори. 1981 йилда интернатурани тамомлагач, меҳнат фаолиятини 18-сонли болалар поликлиникасида худуд педиатри лавозимида бошлаган. Кейинчалик, кейинги 10 йил давомида, 1987 йилдан 1997 йилгача Тошкент шаҳар 1-сон тиббиёт бирлашмасида ординатор-шифокор бўлиб ишлади. Тиббиёт бош бошқармаси тизимида 1997 йилдан ҳозирги кунгача 1-сонли МКДП нинг болалар бўлимида юқумли касалликлар шифокори бўлиб ишлайди (27 йил) Умумий иш стажи 45 йил, мутахассислиги бўйича 37 йил.

Хакимова Соҳиба Атхамовна

1961 йилда туғилган, 2005 йилдан олий малака тоифасидаги отоларинголог-шифокор, ЎзР соғлиқни сақлаш аълочиси. 1985 йилда Тошкент педиатрия институти (САМПИ) ни тамомлаган. 1987 йилда бир йиллик интернатурани тугатгандан сўнг, 1990 йилгача Тошкент шаҳар туман поликлиникасида, сўнгра 1996 йилгача Фарғона вилоятининг Қўқон шаҳри шифохонасида отоларинголог шифокор бўлиб ишлаган. 1996 йилдан (28 йил) ҳозирги кунгача Тиббиёт бош бошқармаси 1-сонли МКДП болалар бўлимида оториноларинголог шифокор бўлиб ишлайди. Ўзбекистон Республикаси Мустақиллиги кунига "Эсдалик кукрак нишони билан тақдирланган, 2024 йилда Ўзбекистон Республикаси ҳукумати томонидан "Ўзбекистон Республикаси соғлиқни сақлаш аълочиси" кўкрак нишони билан тақдирланган.

Абиджанова Нафиса Тальъатовна

1986 йилда туғилган, 2021 йилдан 1-даражали невролог. 2010 йилда ТошПТИни, 2013 йилда болалар неврологияси бўйича клиник ординатурани тамомлаган. Меҳнат фаолиятини 2011 йилдан " Омад ПИЮС " МЧЖ диагностика клиникасида болалар неврологи ва хусусий клиникада бошлаган. У 2016 йилдан Ўзбекистон Республикаси Президенти ҳузуридаги Тиббиёт санитария бошқармаси 1-сонли МП болалар бўлимида невролог-шифокор, 2018 йил 5 сентябрдан ҳозирги кунгача - Ўзбекистон Республикаси Президенти ҳузуридаги Тиббиёт бош бошқармасининг 1- сонли МКДП болалар бўлимида невролог-шифокор бўлиб ишлаб келмоқда

Шаҳиди Наргиза Халиловна

1976 йилда туғилган, 2022 йилдан олий малакали эндокринолог. 2000 йилда Самарқанд тиббиёт институтининг педиатрия факультетини тамомлаган. 2007 йилда ТошВМОИда умумий педиатрия ва болалар эндокринологияси бўйича ихтисослик ўтди. Ўқишни тугатгандан сўнг, 2015 йилгача Республика скрининг марказида (РСМ) эндокринолог шифокор лавозимида ишлаган. 2015 йилдан буён Тиббиёт бош бошқармаси тизимидаги 1- сонли МКДП болалар бўлимида эндокринолог бўлиб ишлайди. Мутахассислиги бўйича иш стажи 17 йил. 2019 йилдан бери Де Фаcтум хусусий клиникасида ўриндошлик асосида эндокринолог бўлиб ишлаб келмоқда

Умарова Нилуфар Равшановна

1986 йилда туғилган, 2022 йилдан олий тоифали тиш шифокори. 2008 йилда Тошкент тиббиёт академиясининг стоматология факультетини ва 2015 йилда Корея таълим марказида стоматология бўйича бир йиллик ДБС счоол терапевтик сиклини тамомлаган. Институтни тугатгандан сўнг, 2022 йилгача 14 йил давомида Тошкент шаҳар Миробод туманидаги 7-сонли болалар стоматология поликлиникасида ишлаган, Чилд дент хусусий клиникасида ўриндошлик асосида ишлаган. У ўз мутахассислиги бўйича бир неча бор малака ошириш курсларини ўтаган. 2022 йилдан ҳозирги кунгача Тиббиёт бош бошқармаси тизимида 1-сонли МКДП болалар бўлимида стоматолог бўлиб ишлаб келмоқда

Рустамбекова Бекзода Уткурбековна

1991 йилда туғилган, шифокор-ортодонт, 2015 йилда Тошкент давлат стоматология институтини, 2017 йилда ортодонтия йўналиши бўйича клиник ординатурани тамомлаган. Ординатурани тугатгандан сўнг Тошкент шаҳар Миробод туманидаги 7-сонли болалар стоматология поликлиникасида ишлади. Асосий мутахассислик бўйича бир неча бор малакасини оширди. 2023 йилдан ҳозирга қадар Тиббиёт бош бошқармаси тизимида 1-сонли МКДП болалар бўлимида ортодонт шифокор бўлиб ишлаб келмоқда

Маниязова Гулчеҳрахон Солижановна

1976 йилда туғилган, 2023 йилдан биринчи тоифали аллерголог-иммунолог, 2001 йилда Андижон давлат тиббиёт институти (АДТИ) нинг педиатрия факультетини тамомлаган. Институтни тамомлагандан сўнг Олтинкўл қишлоқ врачлик пунктида, сўнгра Андижон шаҳридаги кўп тармоқли шифохонада педиатр, хусусий фарм компаниясида шифокор-маслаҳатчи бўлиб ишлади. 2017 йилда "Аллергология ва иммунология" мутахассислиги бўйича АДТИда клиник ординатурани тамомлаб, Андижон шаҳридаги марказий кўп тармоқли поликлиникада, сўнгра Тошкент шаҳрининг Учтепа тумани поликлиникасида иммунолог шифокор бўлиб ишлай бошлади. 2022 йилдан бошлаб Тиббиёт бош бошқармаси тизимида 1-сонли МКДП болалар бўлимида аллерголог-иммунолог лавозимида ишлаб келмоқда

Муродов Достон Муроджон ўғли

1995 йилда туғилган. Врач ортопед-травматолог. 2022 йилда Андижон тиббиёт институтининг педиатрия факультетини, 2024 йилда Республика ортопедия ва травматология илмий-амалий маркази (РИОваРИАТМ) негизида клиник ординатурани тамомлаган. Тиббиёт бош бошқармаси тизимида 1-сонли МКДПда 11.2024 йилдан бошлаб болалар бўлими травматологи бўлиб ишлайди.

Усманов Келдиер Неъматович

1994 йилда туғилган, 2-даражали малакали ортопед-травматолог. 2020 йилда Тошкент тиббиёт академиясининг (ТТА) даволаш факультетини, 2022 йилда Республика ортопедия ва травматология илмий-амалий маркази (РИОваРИАТМ) негизида клиник ординатурани тамомлаган. Ўқиш даврида Чилонзор тумани поликлиникасининг травматология пунктида ва Тошкент шаҳар Чилонзор тумани 9-кичик станциясида ишлаган. У 2023 йилдан буён Тиббиёт бош бошқармаси тизимида умумий
амалиёт травматологи бўлиб ишлаб келмоқда

Хакимова Маликахон Азизовна

1992 йилда таввалуд топган, педиатр-невролог шифокор, 2022 йилда ТашПМИ «Педиатрия» мутахассислиги буйича магистратурани тамомлаган. 2022 йилдан бошлаб ТББ га карашли 1-сон МКДП да иш фаолиятини худуд шифокор-педиатр лавозимидан бошлади, 2024 йилда 6 болалар неврологияси буйича 6 ойлик ихтисослик ўтди ва хозирда 1-сон МКДП нинг болалар булимида невролог-шифокор булиб ишлаб келмоқда

Абидова Ширин Аббасхан қизи

1990 йилда туғилган. Дерматолог-шифокор. 2015 йилда ТошПТИни, 1918 йилда дерматовенерология мутахассислиги бўйича магистратурани тамомлаган. Магистратурани тугатгач, 2021 йилгача Тошкент шаҳридаги 4-сонли тери таносил касалликлар диспансерида дерматолог шифокор бўлиб ишлаган. 2021 йилдан ҳозиргача Тиббиёт бош бошқармаси тизимида 1-сонли МКДПда болалар бўлимида дерматолог шифокор бўлиб ишлайди

Хушанов Шахзод Бахтиёрович

1995 йилда туғилган, офталмолог-шифокор. 2020 йилда Россия Федерациясининг Қрим давлат тиббиёт университетини Офталмология бўйича клиник ординатура - 2022 йилда Тошкент шаҳар тиббиёт ходимларининг касбий малакасини ривожлантириш марказида тамомлаган. 2023 йилда Санкт-Петербургда С.Н.Фёдоров номидаги "Кўз микрохирургияси" МХТКда ва 2024 йилда Ню-Деҳлида - Виситеч эе cентерда малака оширди. Меҳнат фаолиятини 2020 йилдан Тошкент шаҳар тез тиббий ёрдам 5- станциясида сайёр шифокори ва параллел равишда Тошкент шаҳридаги Республика клиник офталмология шифохонасида офталмолог-шифокор ординатори, сўнгра ТошПТИ клиникасида офталмолог-шифокор сифатида бошлаган. 2023 йил сентябрь ойидан бошлаб Тиббиёт бош бошқармаси тизимида 1-сонли МКДПда болалар бўлими офталмолог шифокори лавозимида ишлаб келмоқда