Умумий Маълумотлар

1- сонли Марказий консультатив – диагностик Поликлиникаси замонавий, ихтисослашган йирик тиббий-профилактика муассасаси бўлиб, беморларни текшириш ва даволашда ўзининг азалий анъаналарига эга.

1- сонли Марказий консультатив – диагностик Поликлиникаси 1969 йил Май ойида ташкил этилган ва тиббий хизмат соҳасида кўп йиллик амалий тажрибага эга.

Поликлиниканинг асосий вазифалари қуйидагилардан иборат: клиникада ҳам, уйда ҳам малакали тиббий ва ихтисослаштирилган тиббий ёрдам кўрсатиш; профилактика, диагностика ва даволашнинг замонавий усулларини соғлиқни сақлаш амалиётига жорий этиш; санитария-гигиена билимлари ва соғлом турмуш тарзини тарғиб қилиш;

Поликлиника юқори тиббий технологиялардан фойдаланган ҳолда юрак-қон томир ва онкологик касалликларни эрта аниқлаш ва даволашга катта эътибор беради.

Клиникада суяк рентген денситометри ҳам мавжуд. 40 ёшдан ошган аёлларни скрининг қилишда ушбу қурилма суяк остеопорозини ерта босқичда ташхислаш ва ерта босқичда профилактика чораларини кўриш имконини беради.

Поликлиниканинг барча мутахассислари замонавий тиббиётдаги янгиликларни кузатиб борадилар ва мунтазам равишда ўз малакаларини оширадилар, керакли соатларни эгаллайдилар ва даволаш, диагностика ва профилактиканинг янги усулларини ўзлаштирадилар.

Поликлиникада шошилинч тиббий ёрдам кўрсатиш учун барча зарур жиҳозларга эга замонавий автомобиллар билан жиҳозланган тез ёрдам бўлими мавжуд.

Тиббиёт ходимлари ҳар қандай соғлиқ муаммосини ҳал қилишда ёрдам беради ва клиникадаги ҳар бир беморга эҳтиёткорлик билан қабул қилинади ва агар керак бўлса, индивидуал даволаш режаси тузилади.

  Мамлакатимизда соғлиқни сақлаш соҳасида кенг кўламли ишлар амалга оширилмоқда. Президентимиз томонидан ушбу соҳани ривожлантириш, уни тубдан ислоҳ қилишга қаратилган қатор фармон ва қарорлар қабул қилинди.

Ўзбекистон Республикаси Президентининг 2020 йил 12 ноябрдаги “Бирламчи тиббий-санитария ёрдами муассасалари фаолиятига мутлақо янги механизмларни жорий қилиш ва соғлиқни сақлаш  тизимида олиб борилаётган ислоҳатлар самарадорлигини янада  ошириш чора-тадбирлари тўғрисида”ги 6110-сонли Президент фармонида юртимизда аҳоли саломатлигини сақлаш ва яхшилаш имкониятини берадиган сифатли соғлиқни сақлаш тизимини ташкил этиш соғлом авлод тарбияси учун шарт шароит яратиш давлат сиёсатининг устувор йўналиши ҳисобланади деб кўрсатилган.

Ўзбекистонда 2025 йил «Атроф-муҳитни асраш ва „яшил“ иқтисодиёт йили» деб эълон қилинди. Шавкат Мирзиёев 2025-йилни «Атроф-муҳитни асраш ва “яшил” иқтисодиёт йили» деб эълон қилишни таклиф қилди. Ўзбекистон, балки дунёдаги кўплаб мамлакатлар иқлим ўзгаришларининг салбий оқибатларини яққол ҳис қилаётганини қайд этилмоқда. Ҳаво ва сувнинг ифлосланиши, тупроқ эррозияси, чўлланиш, қазилма ёқилғиларни беҳисоб ишлатиш глобал исишга, табиий офатларнинг кўпайишига олиб келмоқда, атроф-муҳит ва аҳоли соғлиғига зарар етказмоқда. Мамлакатимизда уч йил аввал «Яшил макон» умуммиллий лойиҳаси бошланган. Қўшни мамлакатлар билан биргаликда Минтақавий иқлим стратегиясини амалга оширишга киришилган. Ўзбекистон Бирлашган Миллатлар Ташкилоти томонидан бу борада қабул қилинган иккита муҳим резолюциянинг ташаббускори бўлди. Айни вақтда «яшил» энергетика иқтисодиётимиз драйверларидан бирига айланаётгани таъкидланди. Ҳукумат йил номида белгиланган энг муҳим вазифалар бўйича давлат дастурини ишлаб чиқиши белгиланди. Ушбу дастурда «яшил» технологияларни жорий этиш, сувни тежаш, кўкаламзор ҳудудларни кескин кўпайтириш, Орол фожиасининг оқибатларини юмшатиш, чиқиндилар муаммосини ҳал қилиш, энг муҳими, аҳоли саломатлигини мустаҳкамлаш каби масалалар устувор аҳамият касб этади.

            Бугунги даврда Янги Ўзбекистон “Инсон қадри устувор бўлган жамият ва халқпарвар давлат” деган муҳим ғоя негизида барпо этилмоқда. Давлатимиз Раҳбари белгилаб берган бу улуғвор мақсад асосида халқимиз янгидан-янги ислоҳотларнинг ҳақиқий муаллифига айланиб бормоқда.

Шу муносабат билан, “Ҳаракатлар стратегиясидан – Тараққиёт стратегияси сари” тамойили асосида кейинги беш йилликда мамлакатимизда амалга ошириладиган ислоҳотларнинг зарур сиёсий-ҳуқуқий, ижтимоий-иқтисодий ва илмий-маърифий асосларини яратиб беришга қаратилган Янги Ўзбекистоннинг 2022–2026 йилларга мўлжалланган тараққиёт стратегияси лойиҳаси жорий этилмоқда унга кўра:

Асосан тараққиёт стратегияси лойиҳасида:

-инсон қадрини юксалтириш ва эркин фуқаролик жамиятини янада ривожлантириш орқали халқпарвар давлат барпо этиш;

-мамлакатимизда адолат ва қонун устуворлиги тамойилларини тараққиётнинг энг асосий ва зарур шартига айлантириш;

-миллий иқтисодиётни ривожлантириш, унинг ўсиш суръатларини замон талаблари даражасида таъминлаш;

-адолатли ижтимоий сиёсат юритиш, инсон капиталини ривожлантириш;

-маънавий тараққиётни таъминлаш, ушбу соҳани тубдан ислоҳ этиш ва янги босқичга олиб чиқиш;

-умумбашарий муаммоларга миллий манфаатлардан келиб чиққан ҳолда ечим топиш;

-мамлакатимиз хавфсизлиги ва мудофаа салоҳиятини кучайтириш, очиқ ва прагматик, фаол ташқи сиёсат олиб боришга қаратилган 7 та устувор йўналишдаги масалаларни қамраб олади.

Мақсадимиз:

• Сифат тизимини бошқариш;
• Раҳбар ва маъсул ходимларнинг жавобгарликни ошириш;
• Бириктирилган контигент  орасида касалланиш, ногиронлик ва ўлим холатларини камайтириш;
• Поликлиникамизнинг моддий-техник базасини бойитиш ҳамда уни замонавий ва жахон андозаларига жавоб берувчи тиббиёт техникаси билан жихозлашни давом эттириш.
• Поликлиника  салохиятини юқори технологик жараёнларни жалб этган ҳолда янада такомиллаштириш ва рақобатдош кенг тармокли тиббий клиникага айлантириш

Вазифаларимиз:

• Бириктирилган контингентга ва уларнинг оила аъзолари, нафақахўрлар ва болаларга кўрсатилаётган тиббий ёрдам сифатини ва натижаларини яхшилаш
• Соғлом турмуш тарзини тарғиб қилиш, саломатлик механизмларини ишлаб чиқиш, уларни мустаҳкамлаш чораларини кўриш
• Электрон рақамли технологияларни қўллаш натижасида уни юксалтириш  ва  замонавий рақамли тиббиёт сохасини ривожлантириш 
• Ахолига кўрсатилаётган пуллик тиббий хизмат хажмини ва сифатини  ошириш

Услубий асос:

• ТББ ва Соғлиқни Сақлаш Вазирлигининг  кўрсатмалари, буйруқлари, қарорлари
• Замонавий клиник стандарт протоколлари

      Соғлиқни сақлаш тизимидаги ислоҳатларнинг тўлақонли ижросини таъминлаш, режалаштирилган тадбирларни тизимли равишда бажариш, аҳолига сифатли тиббий хизматни ташкил этиш ва амалга ошириш мақсадида қуйидаги вазифа ва режаларни олдимизга мақсад қилиб қўямиз: